ធម្មជាតិដែលយើងកំពុងតែរស់នៅ
គឺមានពណ៌ជាច្រើនដែលអាចឲ្យមើលទៅប្រកបដោយភាពរីករាយជាមួយនឹង
ការស្រមើស្រមៃផ្សេងៗ។
សម្រាប់អ្នកវិចិត្រករគេអាចបង្កើតពណ៌ជាច្រើនបានតាមចិត្ត
ចុះចំណែកឯអ្នកដែលមិនមែនជាវិចិត្រករនោះ
ពេលដែលយើងចង់គូសអ្វីមួយភ្លាមៗ ឬក៏គ្មានប្រដាប់លាយពណ៌នៅក្បែរ
តើត្រូវធ្វើដូចម្ដេច?
ប្រដាប់ថតចម្លងពណ៌មួយ ដែលចេញពីគំនិតអ្នករចនាម្នាក់ ឈ្មោះ
Jinsun Park អាចជាចម្លើយដែលបានចោទសួរខាងលើ។
ប៊ិចមួយនេះមានបំពាក់ Sensor ក្នុងនោះ
ដែលត្រូវគ្នាជាមួយប៊ូតុងមួយសម្រាប់ចុចដើម្បីចាប់យកពណ៌តាមចិត្ត
របស់អ្នកប្រើប្រាស់បាន។ ទឹកថ្នាំពណ៌ដើមនៅក្នុងប៊ិចនេះ
RGB(ក្រហម, បៃតង, ខៀវ)
នឹងបញ្ចូលគ្នាហើយបង្កើតជាពណ៌មួយដែលយើងបានចាប់យក
បន្ទាប់មកប៊ិចនេះអាចគូសរូបផ្សេងៗ
ដោយបញ្ចេញជាពណ៌ដែលយើងទើបតែថតចម្លងពីធម្មជាតិ។
ប៊ិចនេះអាចប្រដូចទៅនឹង ” eyedropper ” ក្នុង Photoshop
តែវាជាឧបករណ៍មួយសម្រាប់ជីវិតពិត។
ប៊ិចនេះ រឹតតែមានពណ៌ច្បាស់ថែមទៀត បើប្រើជាមួយទឹកថ្នាំ CMYK ។
ការរក្សាពណ៌ និងការបញ្ចូលថាមពល
អាចជាឧបសគ្គសម្រាប់ឧបករណ៍មួយនេះ
ប្រសិនបើវាត្រូវបានផលិតចេញជាផលិតផលមួយ។
ជម្រើសមួយថ្មីអាចជំនួសបញ្ហានេះ គឺអាចបញ្ចូលសមត្ថភាព Scan
ពណ៌ផ្សេងៗទៅក្នុងប៊ិចនេះឲ្យរួចរាល់ចប់សព្វគ្រប់ទៅក្នុងប៊ិច
នោះទុកជាមុន
ដូច្នេះវិចិត្រករនៅតែអាចបង្កើតឧបករណ៍ចាប់យកពណ៌ធម្មជាតិមួយនេះ
ដោយគ្មានភាពរារាំង និងដែនកំណត់នៃទឹកថ្នាំនៅក្នុងប៊ិចនេះឡើយ៕
ប្រភព៖ gajitz
ប្រែសម្រួល៖ តុង ( sabay )
