March 2012 ~ Powerful of Khmer

Thursday, March 29, 2012

Appleសងអតិថិជនអូស្រ្តាលីដោយសារពាណិជ្ជកម្មខុសបច្ចេកទេស

Thursday, March 29, 2012 Unknown

ក្រុមហ៊ុនបច្ចេកវិទ្យាសហរដ្ឋអាមេរិក អ៊េបផល(Apple) បានផ្តល់ប្រាក់សំណងជូនអតិថិជននៅអូស្រ្តាលីដែលមានអារម្មណ៍អន់ចិត្តចំពោះមុខងារ 4G នៃអាយភេដ(iPad) ស៊េរីថ្មី។
អ្នកឃ្លាំមើលអតិថិជនរបស់ក្រុមហ៊ុនបច្ចេក វិទ្យាប្រចាំ ប្រទេស អូស្រ្តាលី បានដាក់ពាក្យបណ្តឹងប្តឹងក្រុមហ៊ុន អ៊េបផល ពីបទផ្សាយពាណិជ្ជកម្មខុស ដោយសារតែបន្ទះ iPad មិនអាចដំណើរការបានលើបណ្តាញ 4G នៅអូស្រ្តាលី។
មេធាវីរបស់ក្រុមហ៊ុនអ៊េបផល បាននិយាយថា ពួកគេនឹងបោះផ្សាយពីមុខងាររបស់ iPad ឲ្យបានច្បាស់លាស់ ទោះបីជាក្រុមហ៊ុនមិនបានបំពេញនូវតម្រូវចិត្តរបស់អតិថិជនក៏ដោយ។
ស្ថាប័នប្រកួតប្រជែងនិងគណៈកម្មការអ្នកប្រើប្រាស់ (ACCC) បាននិយាយកាលពីថ្ងៃអង្គារថា ការផ្សព្វផ្សាយផលិតផល iPad ស៊េរីថ្មីរបស់ក្រុមហ៊ុនអ៊េបផល ជាមួយនឹងបច្ចេកវិទ្យា 4G និង បណ្តាញអ៊ិនធឺណេតគ្មានខ្សែ (Wi-Fi) កំពុងធ្វើឲ្យអតិថិជននៅទូទាំងប្រទេសអូស្រ្តាលីមាន ការភាន់ច្រឡំ ទៅនឹងផលិតផលដែលប្រើប្រាស់ស៊ីមកាតទូរស័ព្ទភ្ជាប់ទៅប្រព័ន្ធទូរស័ព្ទដៃចល័ត 4G ក្នុងប្រទេសអូស្រ្តាលី។
ក្រោយមកទើបអ្នកឃ្លាំមើលបានដាក់ពាក្យបណ្តឹងទៅតុលាការកំពូលនៅទីក្រុង មែលប៊ន។
គួរបញ្ជាក់ថា iPad ស៊េរីថ្មីទី៣ នេះបានដាក់លក់លើទីក្រុងក្នុងខែនេះ ដោយប្រទេសអូស្រ្តាលីជាទីផ្សារដែលបានដាក់លក់ដំបូងគេ៕
ប្រែសម្រួលៈ ម៉ាណែត(AKT Media)

_____________________________________________

បញ្ជូនព័ត៌មាននេះទៅបណ្តាញទំនាក់ទំនងរបស់អ្នក :

ថ្នាំព្យាបាលជំងឺអេដស៍រកឃើញហើយ

Thursday, March 29, 2012 Unknown

យោងតាមគេហទំព័រ Sbio.info ចេញផ្សាយជាភាសារុស្ស៊ី នឹងបានបកប្រែដោយ Google Translate ជាភាសាអង់គ្លេសបង្ហាញថា ក្រុមអ្នកវិទ្យាសាស្ត្រនៅ Ural ប្រទេសរុស្ស៊ី បានរកឃើញឱសថព្យាបាលជំងឺអេដស៍ឲ្យជាសះស្បើយ ១០០%។ ក្រុមអ្នកវិទ្យាសាស្ត្រទាំងនេះ មានគម្រោងផលិតឱសថថ្មីនេះនៅក្នុងឆ្នាំ ២០១២ខាងមុខ។ បច្ចុប្បន្នឱសថនេះត្រូវឲ្យឈ្មោះថា “Profital” ហើយកំពុងស្ថិតក្នុងការពិសោធន៍វេជ្ជសាស្ត្រទៅលើមនុស្សពិត។ អ្នកវិទ្យាសាស្ត្រដដែលអះអាងថា ឱសថនេះមានប្រសិទ្ធភាពព្យាបាលវីរុស HIV ឲ្យជាដាច់ក្នុងរយៈពេល១ខែ។

អំឡុងពេលនៃការធ្វើតេស្តសាកល្បងជំហានដំបូង បានរកឃើញថា អ្នកជំងឺដែលទទួលទានថ្នាំនេះរយៈពេលមួយខែនឹងជាសះស្បើយតែម្ដង។ ដើម្បីបញ្ជាក់ឲ្យច្បាស់ ក្រុមអ្នកវិទ្យាសាស្ត្របានយកក្រុមអ្នកផ្ទុកជំងឺឱកាសនិយមមួយ ក្រុមមកព្យាបាល។ ក្រៅពីនេះ បន្ទាប់ពីទទួលការព្យាបាលបាន ១ខែ ក្រុមអ្នកវិទ្យាសាស្ត្របានយកឈាមរបស់អ្នកជំងឺទាំងនោះទៅពិនិត្យ និងបានរកឃើញ គ្មានផ្ទុកមេរោគអេដស៍នោះឡើយ។ តាងនាមជាប្រធានក្រុមអ្នកស្រាវជ្រាវ លោក Sergei Rodionov បានគូសបញ្ជាក់ថា ពួកគេបានត្រៀមរួចរាល់ដើម្បីផលិតឱសថនេះចែកចាយដល់ទីផ្សារ ពិភពលោកហើយ។
មូលដ្ឋាននៃឱសថនេះ ត្រូវអ្នកវិទ្យាសាស្ត្រស្គាល់ជាយូរហើយថាជាប្រូតេអ៊ីន “Alpha”។ ប្រូតេអ៊ីននេះជួយទប់ស្កាត់នូវការរីករាលដាលនៃមេរោគឱកាសនិយម ក្នុងរាងកាយ និងកម្ចាត់មេរោគទាំងនោះចេញពីសរសៃឈាម។ ឆ្លងតាមលទ្ធផលនៃការស្រាវជ្រាវនេះ ក្រុមអ្នកវិទ្យាសាស្ត្រឲ្យដឹងថា អ្នកជំងឺ៤២លាននាក់ដែលផ្ទុកមេរោគអេដស៍នឹងមានឱកាសត្រឡប់មក សភាពដើមទាំងស្រុង។
ការសាងសង់មន្ទីរពិសោធន៍នឹងត្រូវធ្វើឡើងក្នុងពេលឆាប់ៗ ដែលអាចបញ្ចប់រួចរាល់ក្នុងរយៈពេល ១ខែ។ ក្នុងពេលបច្ចុប្បន្ន មានអ្នកជំនាញបរទេស ៤០នាក់ ចូលរួមសាងសង់ឧបករណ៍ផលិតនេះ។ លើសពីនេះទៅទៀត លោកសាស្ត្រាចារ្យ Rodionov មានគម្រោងជ្រើសរើសនិស្សិតមួយចំនួនដើម្បីធ្វើការនៅរោងចក្រនេះ នាអនាគត។ ការឧបត្ថម្ភថវិកាដល់និស្សិតទាំងនោះជាថវិកាឯកជន។
កន្លែងផលិតឱសថនឹងត្រូវធ្វើឡើងក្នុងទំហំផ្ទៃដី ៥ម៉ែត្រការ៉េប៉ុណ្ណោះ ដោយប្រើបច្ចេកវិទ្យា Microfabrication ដ៏ទំនើប អាចផលិតឱសថ “Profitalya” បានក្នុងទម្ងន់ ១០ គីឡូក្រាម ដែលក្នុងមួយគីឡូក្រាមស្មើនឹង ៣ម៉ឺនគ្រាប់ ហើយបើគិតជាសាច់ប្រាក់គឺលើសពី ៨លានដុល្លារអាមេរិក។
យោងតាមការគណនាជំហានដំបូង តម្លៃរបស់វាគឺប្រហែល ២០០០$ ក្នុងមួយគ្រាប់។ យ៉ាងណាក៏ដោយ រហូតមកដល់ពេលនេះ ពុំទាន់មានស្ថាប័នអន្តរជាតិធំៗ ដែលធ្វើការពាក់ព័ន្ធនឹងសុខភាពដូចជា អង្គការសុខភាពពិភពលោក ជាដើម មានប្រតិកម្ម និងអះអាងថា ពិតជារកឃើញមែន ចំពោះរបកគំហើញនោះទេ៕
បកប្រែ៖ ប្រាក់ ច័ន្ទសីហា (sabay)
ប្រភព និងរូបថត៖ sbio.info

Tags: featured, សុខភាពបន្តពូជ

_____________________________________________

បញ្ជូនព័ត៌មាននេះទៅបណ្តាញទំនាក់ទំនងរបស់អ្នក :

Samsung Galaxy SII 4G

Wednesday, March 28, 2012 Unknown

ស្មាតហ្វូន Galaxy SII 4G របស់ Samsung បានចាប់ផ្តើមដំណើរការលើបណ្តាញទូរស័ព្ទចល័ត Telstra របស់អូស្ត្រាលីហើយកាលពីថ្ងៃអង្គារ។ ប្រធានក្រុមហ៊ុន Telstra Mobile លោក អង់ឌ្រូ វ៉ូឡាដ បាននិយាយថា ទូរស័ព្ទភ្ជាប់បណ្តាញអ៊ីនធឺណេត 4G ជំនាន់ថ្មីចុងក្រោយបង្អស់នេះត្រូវបានបង្កើតឡើងដើម្បីធ្វើឲ្យស្មាត ហ្វូន Samsung Galaxy SII ក្លាយទៅជាស្មាតហ្វូនដ៏មានប្រជាប្រិយភាពបំផុតនៅអូស្ត្រាលី និងក្លាយទៅជាទូរស័ព្ទដ៏ទំនើបប្រចាំឆ្នាំ ២០១២។

លោក ថៃល័រ ម៉ាកហ្គី អនុប្រធានក្រុមហ៊ុន Samsung Electronics នៅអូស្ត្រាលីនិយាយថា "ការរួមបញ្ចូលគ្នានៃរបកគំហើញថ្មីចុងក្រោយរបស់ Samsung តាមរយៈ Hardware និង ការរចនាឈានមុខគេ រួមជាមួយនិងបណ្តាញអ៊ីនធឺណេត 4G LTE ដ៏លឿនបំផុតរបស់ Telstra នឹងធ្វើឲ្យ Samsung Galaxy SII 4G ក្លាយទៅជាស្មាតហ្វូនដ៏សំខាន់បំផុតសម្រាប់ជនជាតិអូស្ត្រាលី ទាំងអស់គ្នា"។

Galaxy SII 4G មានអេក្រង់ទំហំ ៤,៥ អ៊ីញ, Cortex-A9 processor ល្បឿន ១,៥ GHz (លឿនបំផុតក្នុងចំណោមម៉ូដែលស្មាតហ្វូនរបស់ Samsung), កាមេរ៉ាទំហំ ៨ មេហ្គាភិចសែល, វីដេអូ ១០៨០ ភិចសែល full HD និង Memory ក្នុងតួទំហំ ១៦ GB៕

ប្រភពពី៖cen

_____________________________________________

បញ្ជូនព័ត៌មាននេះទៅបណ្តាញទំនាក់ទំនងរបស់អ្នក :

Jingming អ្នកនិព្ធដ៏ល្បីរបស់ប្រទេសចិន

Wednesday, March 28, 2012 Unknown

អ្នកនិពន្ធដ៏ល្បីម្នាក់ក្នុងចំណោមអ្នកនិពន្ធប្រលោមលោក របស់ប្រទេសចិន លោកGuo Jingming មិនទាន់បានបញ្ចប់ការសិក្សាផ្នែក

ភាពយន្តនៅសាកលវិទ្យាល័យ សៀងហៃ នៅឡើយទេ ហើយលោកបានបោះបង់ការសិក្សា នៅឆ្នាំ២០០៨។លោកបានចូលរួម

ការប្រកួតប្រជែង ផ្នែកប្រលោមលោក ហើយបានទទួលជ័យជំនះ ក្នុងឆ្នាំ២០០១ ។បន្ទាប់មកលោកបានបោះពុម្ពផ្សាយខ្សែភាពយន្ត

ប្រលោមលោក បែបប្រឌិតវិទ្យាសាស្រ្តជាលើកដំបូងនៅចុងឆ្នាំ២០០២ ដែលមានចំណងជើងថា៖ City of Fantacy។សៀវភៅប្រលោមលោក

ដែលត្រូវបាន ផ្សព្វផ្សាយនៅឆ្នាំបន្ទាប់ពិតជាបាន ទទួលជោគជ័យយ៉ាងធំធេង។ លោកបានផលិត ប្រលោមលោក

ទី២របស់លោក ដែលមានចំណងជើងថា៖ Never Flowers in Never Dreams នៅចុងឆ្នាំ២០០៣ ប៉ុន្តែត្រូវបានគេចោទប្រកាន់ថា បានលួច

ចំលងស្នាដែអ្នកដទៃ ហើយលោកបានបដិសេធមិន បកស្រាយសូមទោស។ Jingming នៅតែបន្តការសរសេរ និងបោះពុម្ពផ្សាយ យ៉ាងតិច

សៀវភៅមួយក្បាលក្នុងមួយឆ្នាំ។ តាមអត្ថបទកាសែត New York Times ក្រោមប្រធានបទមួយថា “China Pop’s Fiction” ក្នុងឆ្នាំ២០០៨

គាត់ត្រូវបានគេលើកសរសើរថាជាអ្នកនិពន្ធដ៏ ជោគជ័យមា្នក់នៅប្រទេសចិន បើទោះបីជាមានមតិជាច្រើនយល់ឃើញខុសគ្នានៅក្នុង

ប្រទេសរបស់គាត់ក៏ដោយ។ គាត់ត្រូវបានពណ៌នាថាជា Pop idol ដែលមានការស្លៀកពាក់តាមបែប crossing dress ជាមួយនិង

រូបភាពដែលមានកាយវិការទាក់ទាញ បានធ្វើអោយគាត់ទទួលការចាប់អារម្មណ៍ ពីសំណាកប្រជាជនក្នុងប្រទេស ដែលអ្នកគាំទ្រនិយាយ

ការពារគាត់ថាជាមនុស្សដែលមាន សីលធម៌ខ្ពស់ ហើយនិងស្រលាញ់ភេទផ្ទុយគ្នា។ Jingming និងគូប្រជែងរបស់លោក Han Han

ជាញឹកញាប់តែងតែប្រឈមមុខដាក់គ្នា។ នៅក្នុងបទសម្ភាសន៍ជាសាធារណក្នុងឆ្នាំ២០០៩ Han និយាយថាចំនុចខុសគ្នាធំបំផុតរវាង

លោកហើយនិង Jingming គឺគាត់ជាបុរសពិត ហើយគាត់និយាយជាសាធារណថាJingmingគឺជាsissy(មនុស្សប្រុស ដែលមានចរិក

ជាមនុស្សស្រី)។ Jingming ទទួលស្គាល់ថាគាត់ចូលចិត្តស្លៀកពាក់សម្លៀកបំពាក់ដែលមានការច្នៃម៉ូតដោយអ្នកច្នៃម៉ូត និងមានម៉ាកល្បី

និងជាពិសេសការថែរក្សាស្បែក ហើយនិងមានវិធី១០ជំហានដើម្បី លាងមុខ។គាត់ជាញឹកញាប់ដាក់នូវរូបថត របស់គាត់នៅលើblog

ដើម្បីបង្ហាញពីរូបភាពថ្មីៗ។ ក្រៅពីការតែងនិពន្ធ គាត់បានបង្កើតក្រុមហ៊ុនមួយមានឈ្មោះថាCastor ក្នុងមុខដំណែងជា ប្រធាននិង

អ្នកត្រួតពិនិត្យ។

ប្រែសម្រួល៖ seudy

ប្រភពពី៖ May Daily

_____________________________________________

បញ្ជូនព័ត៌មាននេះទៅបណ្តាញទំនាក់ទំនងរបស់អ្នក :

ក្រុមតារាចម្រៀងបុរស U-Kiss នឹងមកសម្តែងនៅ ព្រះរាណាចក្រកម្ពុជា

Monday, March 26, 2012 Unknown

ក្រុមតារាចម្រៀងកូរ៉េខាងត្បូង U-Kiss នឹងមកសម្ដែងនៅព្រះរាជាណាចក្រកម្ពុជានាថ្ងៃទី ៧ ខែ មេសាឆាប់ៗនេះក្នុងមជ្ឈមណ្ឌលសន្និបាត និង ពិព័រណ៍កោះពេជ្រ។

U-Kiss ជា ក្រុមតារាចម្រៀងកូរ៉េខាងត្បូងដែលបង្កើតឡើងដោយផលិតកម្ម NH Media ក្នុងឆ្នាំ ២០០៨។ សមាជិករបស់ក្រុមនេះមានដូចជា Soohyun, Kiseop, Eli, Kevin, Dongho, Hoon និង AJ ហើយឈ្មោះថា U-Kiss នេះគឺផ្ដើមឡើងពីពាក្យពេញថា Ubiquitous Korean International idol Super Star។
ដើម្បីជ្រាបពីព័ត៌មានលម្អិត និង តម្លៃសំបុត្រចូលរួមទស្សនាប្រិយមិត្តអាចចូលទៅកាន់គេហទំព័រ globalhopeconcert។
ដើម្បីទស្សនាសូមមើលវីដេអូខាងក្រោម៖

ប្រែសម្រួល៖ ថារី
(sabay) ប្រភព៖ globalhopeconcert & wikipedia
រូបភាព៖ fanpop

តារាចម្រៀងចង្វាក់country Taylor Swift បំពានច្បាប់ ដោយច្រៀងចម្រៀងថ្មីមុន អាល់ប៊ុមចេញផ្សាយ២ថ្ងៃ

Monday, March 26, 2012 Unknown

តារាចម្រៀងចង្វាក់ country វ័យ ២២ ឆ្នាំ Taylor Swift បានបំពានច្បាប់ដោយនាងបានច្រៀងបទថ្មីរបស់នាងដែលជាបទក្នុង រឿង “Hunger Games”មានរយៈពេល មុន ២ ថ្ងៃ នៃការចេញអាល់ប៊ុម។

Taylor Swift ហាក់បីដូចជាធ្វេសប្រហែសដោយសារតែនាងបានច្រៀងបទចម្រៀងថ្មីមាន ចំណងជើងថា “Eyes Open” (បទចម្រៀងក្នុងខ្សែភាពយន្ត Hunger Game) ២ ថ្ងៃមុនពេលអាល់ប៊ុមរបស់បទនេះត្រូវចេញលក់។
តារាចម្រៀងសុភាពរាបសា និង មានសំនៀងផ្អែមល្ហែមច្រៀងចង្វាក់ country រូបនេះបានសួរទៅកាន់ប្រិយមិត្តជាច្រើនថាតើនាងគួរច្រៀងបទ ចម្រៀងនោះឬអត់? “តើអ្នកមិនគិតថា ខ្ញុំនឹងមានបញ្ហាទេឬ ប្រសិនបើខ្ញុំច្រៀងឥឡូវនេះ? តែប្រហែលជាមិនអីទេ មែនទេ?”។ Swift បាននិយាយ។
ក្រោយមក នៅពេល Swift ផ្សងគ្រោះថ្នាក់ដោយចាប់ផ្ដើមច្រៀងបទនោះ ទស្សនិកជនជាច្រើននៅក្នុងពហុកីឡដ្ឋានបែរជាសប្បាយរីករាយជាមួយនឹង ចម្រៀងរបស់នាងជាខ្លាំង។
ដូច្នេះ ប្រសិនបើប្រិយមិត្តចង់ស្ដាប់ បទចម្រៀង “Eyes Open” សូមទស្សនាវីដេអូរបស់ Taylor Swift ទាំងអស់គ្នា!

ប្រែសម្រួល៖ ថារី(sabay)
ប្រភព & រូបភាព៖ zimbio

លោកប្រធានាធិបតីអាមេរិក បារ៉ាក់ អូបាម៉ា បានទៅទស្សនា ព្រំដែនកូរ៉េទាំងពីរ នៅតំបន់គ្មានកងទ័ព

Sunday, March 25, 2012 Unknown

ប្រធានាធិបតីអាមេរិក បារ៉ាក់ អូបាម៉ា បានទៅទស្សនាព្រំដែនកូរ៉េដ៏តានតឹងកាលពីថ្ងៃអាទិត្យនៅក្នុងការបង្ហាញសាមគ្គីភាពមួយជាមួយសម្ពន្ធមិត្តក្រុងសេអ៊ូលនិងជាការបង្ហាញសារមួយទៅកាន់មេដឹកនាំវ័យក្មេងថ្មីក្នុងការប្រទាញប្រទង់នុយគ្លេអ៊ែររបស់ប្រទេសនេះជាមួយលោកខាងលិច។

បន្ទាប់ពីបានទៅដល់មួយថ្ងៃមុនជំនួបកំពូលពិភពលោកស្តីពីសន្តិសុខនុយគ្លេអ៊ែរនៅកូរ៉េខាងត្បូង លោកអូបាម៉ាបានជិះឧទ្ធម្ភាគចក្រទៅកាន់មូលដ្ឋានទ័ពអាមេរិកនៅជាយតំបន់គ្មានកងទ័ពដើម្បីជួបទាហាននិងបានឃើញជាលើកដំបូងនូវព្រំដែនដែលមានដាក់ទ័ពទីងច្រើនបំផុតក្នុងលោក។

លោកបានប្រាប់ទៅកាន់ទាហានប្រមាណ៥០នាក់ថា"អ្នកកំពុងនៅខ្សែត្រៀមនៃសេរីភាព"។

ដំណើររបស់អូបាម៉ាបានកើតឡើងចំពេលមានការព្រួយបារម្ភចេះតែកើនឡើងអំពីផែនការបាញ់រ៉ុក្កែតរបស់កូរ៉េខាងជើងនៅខែក្រោយដែលគំរាមបំផ្លាញកិច្ចព្រមព្រៀងមួយក្នុងការបន្តជំនួយស្បៀងអាមេរិកដល់កូរ៉េខាងជើង៕

ប្រភពពីៈ CEN

____________________________________________

បញ្ជូនព័ត៌មាននេះទៅបណ្តាញទំនាក់ទំនងរបស់អ្នក :

ដំណាំស្វាយនៅប្រទេសកម្ពុជា ពុំទាន់អាចយកទៅលក់នៅ ក្រៅប្រទេសបានទេ

Sunday, March 25, 2012 Unknown

ស្វាយគឺជាដំណាំមួយប្រភេទ មានដាំច្រើនជាងគេនៅក្នុងប្រទេសកម្ពុជាយើង ប៉ុន្តែយើងនៅមិនទាន់មានពូជស្វាយដែលអាចនាំចេញយកទៅលក់នៅក្រៅប្រទេសបាននៅឡើយទេ គឺមានត្រឹមតែស្វាយប្រភេទបែបធម្មតាជាពូជក្នុងស្រុកដែលបានដាំតៗគ្មាជារហូតមក។ ទោះបីជាយ៉ាងណាក៏ដោយ ស្វាយដែលមាននិងផលដែលទទួលបានគឺល្មមគ្រប់គ្រាន់សម្រាប់បំពេញសេចក្តីត្រូវការនៅក្នុងស្រុកតែប៉ុណ្ណោះ។ តែសម្រាប់ប្រទេសដទៃដូចជាតៃវ៉ាន់ ហ្វីលីពីន ថៃ ម៉ិចស៊ីកូវិញ គេមានពូជស្វាយដែលត្រូវបានទទួលស្គាល់ជាអន្តរជាតិអាចនាំចេញយកទៅលក់នៅក្រៅប្រទេសបានប្រាក់កម្រៃច្រើនជាងការលក់នៅក្នុងស្រុក។
ក្នុងចំណោមពូជស្វាយទាំងអស់ដែលចរាចរនៅលើទីផ្សារអន្តរជាតិមានតែពូជស្វាយតៃវ៉ាន់ឈ្មោះថា "IRWIN" មួយប៉ុណ្ណោះត្រូវបានក្រុមជនអ្នកទេសចរណ៍សរសើរថា មានរសជាតិ និង គុណភាពល្អជាងស្វាយណាៗទាំងអស់ បន្ទាប់មកគឺស្វាយឈ្មោះ "Carabao" មកពីប្រទេសហ្វីលីពីនត្រូវបានគេចាត់ទុកថាជាស្វាយពូជល្អបំផុតផងដែរ។

ក្រៅពីស្វាយទាំងពីរពូជខាងលើនៅមានពូជស្វាយមួយទៀតដែលមានប្រភពមកពីប្រទេសឥណ្ឌាគឺពូជស្វាយ "Kesar" (កេសរ) ស្វាយប្រភេទនេះត្រូវបានគេយកទៅដាំនៅច្រើនប្រទេស, ប៉ុន្តែឥណ្ឌានៅរក្សាបានជាប្រទេសនាំស្វាយនេះចេញធំជាងគេដដែល។ ក្នុងពេលថ្មីៗនេះពូជស្វាយប្រភេទ "កេសរ" នេះត្រូវបាននាំយកទៅឡង់សេនៅប្រទេសអាមេរិកទទួលបានការចាប់អារម្មណ៍ច្រើនពីសំណាក់អូតែល រីស្សត និង ភោជនីយដ្ឋានធំៗ ធ្វើឲ្យឥណ្ឌារីកមុខប៉ុនគ្រាប់ជី។

ដីនៅប្រទេសកម្ពុជាយើង អាកាសធាតុនៅក្នុងប្រទេសកម្ពុជាយើងវាអំណោយផលល្អណាស់សំរាប់ដំណាំស្វាយ ប៉ុន្តែអ្វីដែលយើងខ្វះនោះគឺពូជស្វាយមួយល្អនិងបច្ចេកទេសនៃការដាំវា ចំពោះទីផ្សារវិញគឺមិនខ្វះទេឲ្យតែយើងមានពូជស្វាយមួយដែលទីផ្សារអន្តរជាតិគេស្គាល់រួចហើយ, តែចំពោះស្វាយដែលយើងមានក្នុងប្រទេសយើងរួចហើយដូចជា កែវចិន កែវសារី កែវរមៀត វាមិនមានទីផ្សារនៅខាងក្រៅទេ។
តួយ៉ាងស្វាយ "កែវចិន" ដែលជាប្រភេទស្វាយលេខមួយក្នុងស្រុកយើង នាពេលខ្លះតម្លៃរបស់វាឡើងដល់ ៤០០០០ ទៅ ៨០០០០រៀល សម្រាប់ផ្លែមួយឡូ (១២ផ្លែ) នៅមិនទាន់បានយកទៅប្រៀបធៀបជាមួយស្វាយរបស់ស្រុកគេនៅឡើយថាតើ ស្វាយកែវចិននេះមានចំណាត់ថ្នាក់សម្រាប់នាំចេញបានដែរឬទេ?
អ្វីដែលគួរឲ្យសោកស្តាយជាងគេនោះគឺភាគច្រើនអ្នកដាំស្វាយនិយមចូលចិត្តនាំគ្នាដាំស្វាយពូជកែវរមៀតច្រើនជាងគេ ព្រោះវាប្រើពេលត្រឹមតែ ៣ឆ្នាំអាចទទួលបានផល តែតម្លៃរបស់វាថោកពិបាកលក់ចេញ និងជួបប្រទះបញ្ហាដួងស៊ីដើមច្រើន ធ្វើឲ្យអ្នកដាំស្វាយប្រភេទនេះខកចិត្តច្រើនគ្នាណាស់។
ដើម្បីទទួលបានកម្រៃខ្លះពីការដាំយើងគួរនាំគ្នារើសពូជស្វាយដែលមានគុណភាពល្អមកដាំ ដូចជាស្វាយកែវចិន ស្វាយទុរេន ព្រោះវាមានរសជាតិឆ្ងាញ់មានតម្លៃខ្ពស់ក្នុងទីផ្សារនិងងាយលក់ចេញក្នុងទីផ្សារ។

ប្រភពមកពី៖ CEN