ក្រៅពីវក់វី ក្នុងការច្រៀងរាំកើបប្រាក់
នៅក្នុងស្រុក ស្ទើរតែគ្មានពេលដេកសម្រាកនោះ
អ្នកចម្រៀងឱក សុគន្ធកញ្ញា កំពុងត្រៀម
ស្ពាយបង្វេចទៅរកលុយ នៅប្រទេសកាណាដា
នៅចុងខែឧសភា នេះ។ ប៉ុន្តែ មុននឹងទៅប្រទេសកាណាដា
ឱក សុគន្ធកញ្ញា បានចេញទៅច្រៀងនៅ ប្រទេសថៃ
ក្នុងកម្មវិធីប្រគំតន្ត្រីរឹតចំណងមិត្តភាព
កម្ពុជា-ថៃ
...។
កាលពីចុងខែមេសា អ្នកចម្រៀងឱក សុគន្ធកញ្ញា បានឡើងច្រៀងក្នុងការប្រគំតន្ត្រីរបស់ផលិតផល
AXE នៅផ្សារ ទំនើបសូរិយា ហើយមានហ្វូងមនុស្ស ព័ទ្ធជុំវិញឆាក ហើយបទចម្រៀងដែលនាងត្រូវបាន ស្វាគមន៍ច្រើន គឺបទ
“Fall in Love”
និងបទ “មានចម្រៀងមួយណា ដែលអាចធ្វើឱ្យបងនឹក ដល់អូន” ដោយមានក្រុមអ្នកគាំទ្រ
បានស្លៀកពាក់ អាវពណ៌ផ្កាឈូក ដូចៗគ្នា និងមានស្លាកសញ្ញាសម្គាល់ KANHA FC
មកស្វាគមន៍យ៉ាងត្រៀបត្រា។ ពិសេស អ្វីដែលធ្វើឱ្យគេចាប់អារម្មណ៍
គឺនៅពេលចុះពីលើឆាក ភ្លាម ឱក សុគន្ធកញ្ញា ត្រូវបានប្រុសស្ទាវៗជាច្រើន
ចោមរោមសុំថតរូបជាមួយ តែត្រូវរារាំងដោយប្រុស៤នាក់ ចាប់ឱក សុគន្ធកញ្ញា
រុញចូលទៅក្នុងឡានបាត់ ព្រោះតែខ្លាចមានប្រុសខ្លះ ខូច បន្លំលូកលាន់
ឱបថើបសុគន្ធកញ្ញា។
ក្រុមយុវវ័យទាំងនោះ បានខកចិត្ត ហើយលាន់មាត់ថា ឱក សុគន្ធកញ្ញា
មានអង្គរក្សដល់ទៅ៤នាក់ឯណោះ ប៉ុន្តែ អ្នករៀបចំកម្មវិធីថា កុំច្រឡំអី!
ប្រុស៤នាក់នោះ ជា អ្នករាំអមនាងទេ។ ប៉ុន្តែ បើឃើញតាមសភាពជាក់ស្តែង
ប្រុស៤នាក់នោះ បានដើរតាមការពារឱក សុគន្ធកញ្ញា គ្រប់ពេល បើគេថា អង្គរក្ស
ក៏មិនខុសដែរ។
ក្រុមអ្នកជំនាញសិល្បៈ បានលើកឡើងថា ការត្រូវប៉ាន់ មួយប្រាវធំ របស់ឱក
សុគន្ធកញ្ញា ដែលនាំមុខគេ ទាំងកេរ្តិ៍ឈ្មោះ និងប្រាក់ចំណូលនោះ
បានធ្វើឱ្យតារាហង្សមាស រូបនេះ មានមហិច្ឆតាចង់ ដណ្តើមទីផ្សារលើគេម្តងទៀត
នៅឆ្នាំ២០១២ នេះ ទើបត្រៀមចេញចម្រៀង១វ៉ុល តែម្នាក់ឯង នៅអំឡុងខែ ឧសភា នេះ។
ប៉ុន្តែ ហាក់ជួបបញ្ហាធំ ព្រោះតែតារាថោន មាស សុខសោភា ជា គូប្រជែង
បានត្រៀមខ្លួនទប់ទល់ជាស្រេច ដោយវាយបក១វ៉ុលសុទ្ធដែរ ដើម្បី បុកសុគន្ធកញ្ញា
ទើបធ្វើឱ្យគេពិបាកសន្និដ្ឋានបានថា មួយណាលោតឡើងខ្ពស់ជាង?
ឱក សុគន្ធកញ្ញា កំពុងតែរៀបចំខ្លួនចេញទៅច្រៀងនៅប្រទេសកាណាដា ២ខែ នៅខែឧសភា
នេះ ប៉ុន្តែ ឆ្លៀតពេលមុនទៅក្រៅប្រទេស តារារូបនេះ ត្រូវទៅច្រៀង
នៅប្រទេសថៃ ១យប់ នៅថ្ងៃទី០៨ ឧសភា
ដែលជាការប្រគំតន្ត្រីរឹតចំណងមិត្តភាពប្រទេសទាំង២
ឱ្យមានកិច្ចសហប្រតិបត្តិការកាន់តែប្រសើរឡើង។
លោករ៉េតធី ដូណា បានប្រាប់មុនពេលកញ្ញា ទៅថៃ ថា “អូ! កញ្ញា ត្រូវទៅ
ច្រៀងនៅយប់ថ្ងៃទី០៨ ឧសភា ហ្នឹងមែន នៅខេត្តព្រះកែវ ប្រទេសថៃ មុខផ្សារ
ទំនើបឥណ្ឌូឆាយណា ឌីផាតមិន សេនធើរ
(Indochina Department Center)។
អូនកញ្ញា នឹងច្រៀងបទល្បីៗជាច្រើន តែខ្ញុំអត់ដឹងថា ត្រូវទៅជាមួយកញ្ញា
ដែរឬអត់ទេ ព្រោះតែពិបាកដែរ រវល់ពេក ហើយម៉្យាងទៀត នៅជិតហ្នឹងដែរ មិនអីទេ
មើលទៅ?”។
ទោះបីជាលោកដូណា ថា ប្រហែលជាមិនបានជូនដំណើរគូស្នេហ៍ ទៅថៃ
តែតាមប្រភពពីក្រុមរាំថា លោកដូណា នឹងទៅជួបកញ្ញា ដល់ថៃ ដើម្បីបញ្ជាក់ថា
ស្នេហាពួកគេបេះមិនដាច់ទេ។
លោកបុណ្យកើដ អាំងអំនួនសិរី ជាអ្នកគ្រប់គ្រង
Freshie Contest ដែលជា អ្នកនៅកៀកការប្រគំតន្ត្រីនេះ បានប្រាប់ថា “ព្រឹត្តិការណ៍ប្រគំតន្ត្រីធំ ជាលក្ខណៈអន្តរជាតិនោះ មានក្រុមបង្ហាញម៉ូដ
Khmer Super Model ពិធីករហូ ប៉ូសេង, មូលសុវណ្ណគិរី
Freshie Girl ហឿន ស្រីនាង, ប៊ូ រស្មី,
Freshie Boy ហេង
សំណាង, តារាចម្រៀង ទហេ ដីលៀ កែវ ច័ន្ទវត្តី, ហ៊ុយ ស្រីខួច, សុវិទ វិទូ,
ម៉ាង ដេត, រស់ សុធា។ ការប្រគំតន្ត្រី នេះ បង្ហាញពីលក្ខណៈមិត្តភាព
រឹតចំណងសហប្រតិបត្តិការកម្ពុជា-ថៃ”។
អ្នកចម្រៀងឱក សុគន្ធកញ្ញា បានស្រស់ស្រាយ អារម្មណ៍ជាខ្លាំង
នៅពេលបានទៅពង្រីកកេរ្តិ៍ឈ្មោះផង រឹតចំណងស្នេហាផង ទើបធ្វើឱ្យគេគិតថា ឱក
សុគន្ធកញ្ញា ចង់ជោគជ័យទាំង២ គឺស្នេហា និងកិច្ចការងារ មិនឱ្យបាត់បង់
មួយណាឡើយ ហើយតាមប្រភពពីបុគ្គលិកម្នាក់ សុំលាក់- ឈ្មោះ បានបង្ហើបថា
នៅរដូវក្តៅ ២០១១-២០១២ កន្លងមក ឱក សុគន្ធកញ្ញា កើបប្រាក់
បានមិនក្រោមកន្លះលានដុល្លារ ឡើយ អ៊ីចឹងរឿងរៀបការ ប្រាកដជាមានដំណឹងល្អឆាប់ៗ
ជាមិនខាន
...៕
ប្រភពពី៖
AKT
