Powerful of Khmer

Friday, May 25, 2012

Freshi Boy ចំណាត់ថ្នាក់លេខ៤នាឆ្នាំ២០១២ លោតទឹកសម្លាប់ខ្លួន

Friday, May 25, 2012 Unknown

យុវជនជាសិស្ស សាលាម្នាក់ រូបសង្ហាម្នាក់ដែលជា Freshi Boy ចំណាត់ថ្នាក់លេខ៤ នាឆ្នាំ២០១២
នេះ បានដាច់ចិត្ត លោតទឹកពីលើស្ពានជ្រោយចង្វារ ដើម្បីសម្លាប់ខ្លួន។ ហេតុការនេះបានធ្វើឲ្យមាន
ការភ្ញាក់ផ្អើលកាលពីវេលាម៉ោង ៣និង២០នាទីរសៀលថ្ងៃទី២៤ខែឧសភា ដោយសារតែជនរងគ្រោះ
រូបនេះ តូចចិត្តនៅពេលសង្សារ ជាទីស្រឡាញ់របស់ខ្លួន បែកចិត្ត ហើយទៅស្រឡាញ់ប្រុសផ្សេង។

តាមព័ត៌មានឲ្យបានដឹងថា យុវជនម្នាក់នេះឈ្មោះ សុខ វិរៈ អាយុ១៨ឆ្នាំជាកូនប្រុសមន្ត្រីប៉ូលិស័ក្តិ
៤កន្លះ ជាសិស្សថ្នាក់ទី១២ នៅវិទ្យាស្ថានឯកជនមួយ និងជា Freshi ចំណាត់ថ្នាក់លេខ ៤ ប្រចាំ
ស្ថានីយទូរទស្សន៍ រស់នៅសង្កាត់បឹងសាឡាង ខណ្ឌទួលគោក។ ទាក់ទិននឹងការលោតទឹកសម្លាប់
ខ្លួននេះ ក្រុមគ្រួសារអះអាងថា បណ្តាលមកពីសង្សារសុំបែកផ្លូវគ្នា ហើយក៏ជិះម៉ូតូមកឈប់លើស្ពាន
លោតទឹកសម្លាប់ខ្លួនតែម្តង។

គូរឲ្យបញ្ជាក់ថា នេះជាជនទី២ ដែលបានធ្វើដំណើរមកលោតទឹកពីលើស្ពាន់ជ្រាយចង្វានៅថ្ងៃទី២៤
ឧសភា ដែលកាលពីវេលាម៉ោង ១១និង ១០នាទីព្រឹក ស្រី្តម្នាក់ក៏បានធ្វើដំណើរមកលោតទឹក
ដែរ តែត្រូវប៉ូលិសឃាត់ទាន់។
ហេតុការនេះក៏បានធ្វើឲ្យមានការភ្ញាក់ផ្អើលយ៉ាងខ្លាំងនៅលើប្រព័ន្ធអ៊ីនធឹណែតផងដែរ ដោយ
មានការចូលរួមសោកស្តាយ ក៏ដូចជាមានមតិចែករំលែកជាច្រើនផងដែរ។ Camnews សូមដក
ស្រង់មតិមួយចំនួននៅលើបណ្តាញ Facebook សម្រាប់ឲ្យមិត្តអ្នកអានពិចារណាដោយខ្លួនឯង៖
"នេះជាទង្វើមិនល្អសូមយុវវ័យ ទាំងអស់កុំយកតម្រាបតាមអោយសោះ" "គួរតែគិតអោយបាន
វែងឆ្ងាយមុនសំរេចចិត្តធ្វើអ្វីមួយ បើមិនគិតពីខ្លួនឯងក៏គួរតែគិតដល់ឪពុកម្តាយផង ដែលគាត់
ទាំងទ្វេបានបង្កើតនឹងខំបីបាច់ថែរក្សារយើងរហូតដល់យើងដឹងក្តី មានរូបរាងមុខមាត់ស្អាតបាត
នឹងមានអ្វីៗគ្រប់យ៉ាងដល់ថ្ងៃនេះ សួរថាតើពួកគាត់ត្រូវចំណាយពេលវេលានឹងញើសឈាមរបស់
គាត់ប៉ុណ្ណាក្នុងការចិញ្ចឹមបីបាច់យើង?" ៕
ប្រភពពី៖Camnews

ណុប បាយ៉ារិទ្ធិ អត់ដេកភ័យ

Thursday, May 24, 2012 Unknown

តារាចម្រៀងល្បីឈ្មោះលោកណុប បាយ៉ារិទ្ធិ បានបង្ហាញមុខក្នុងកម្មវិធីថតទុក អបអរពិធីបុណ្យចម្រើនព្រះជន្មសម្ដេចម៉ែកាលពីម្សិលមិញ នៅទូរទស្សន៍ជាតិ។ លោកអះអាងថា ទោះជាហង្សមាសសម្ងំរៀបយុទ្ធសាស្រ្តលើកស្ទួយតារាចម្រៀងចំណូលថ្មី ក៏លោកអត់បានដេកភ័យដែរ បើទោះជាដឹងថា វត្តមានរបស់តារាចំណូលថ្មីទាំងនោះ នឹងធ្វើឲ្យសន្ទុះឡើងកូដរបស់លោក ត្រូវហែកជាចម្រៀកតូចជាងមុន នៅពេលខាងមុខក្ដី។

រហូតមកដល់ពេលនេះ វ៉ុលថ្មីបើកឆាករបស់លោកសូណូ និងលោកកែវ បូរ៉ា (Frieshie Boy) តារាចម្រៀងចំណូលថ្មីរបស់ហង្សមាស នៅមិនទាន់ចេញវាយបំបែកទីផ្សារ ដូចលោកនៅ ស៊ីនឿន នៅឡើយទេ។ ប៉ុន្តែច្បាស់ណាស់ថា តារារូបសង្ហារទាំងពីរដួងនេះ នឹងធ្វើឲ្យមហាជនភ្ញាក់ផ្អើល នៅពេលបទថ្មីរបស់ពួកគេចេញឃោសនាជាសាធារណៈ។ ការវិភាគមួយថ្មី យល់ឃើញយ៉ាងប្រាកដថា សន្ទុះឡើងកូដរបស់តារាចំណូលថ្មី នឹងធ្វើឲ្យលោកណុប បាយ៉ារិទ្ធិ ដែលសមាជិកហង្សមាសចាស់វស្សាដេកភ័យ ហើយចំណុចមួយដែលជៀសមិនផុតនោះគឺបទចម្រៀងល្អៗ នឹងមិនអាចធ្លាក់ក្នុងដៃរបស់តារារូបនេះ ក្នុងចំនួនច្រើនដូចមុនទៀតនោះទេ។ ម្យ៉ាងបើទោះជា ហង្សមាស នៅតែរក្សាគោលជំហរលើកស្ទួយតារាចាស់ៗ មិនឲ្យស្ងប់ស្ងាត់ ក៏ពួកគេ បូករួមទាំងលោកណុប បាយ៉ារិទ្ធិផង នឹងមិនអាចទទួលបានបទល្អៗ ច្រើនក្នុងដៃ ដែលជាកត្តាកាន់តែចង្អៀត ក្នុងការប្រទាញយកការគាំទ្រ។ ការវិភាគនោះ ថែមទាំងថា ណុប បាយ៉ារិទ្ធិ នឹងជួបឧបសគ្គជាមួយតារាក្រៅទ្រនំ និងសមាជិកថ្មីនៅហង្សមាស ក្នុងករណីដែលហង្សមាស ទម្លាក់ដៃ ហើយគិតតែលើកស្ទួយលោកព្រាប សុវត្ថិ និងតារាចំណូលថ្មីទាំងនោះទៀតផង។ ប៉ុន្តែផ្ទុយនឹងការយល់ឃើញនេះ លោក ណុប បាយ៉ារិទ្ធិ អះអាងថា លោកអត់ដេកភ័យទេ បើទោះជាហង្សមាស បន្ថែមចំនួនអ្នកចម្រៀងប្រុសពីរបីនាក់ទៀតយ៉ាងណាក៏ដោយ។

តារាមុខក្មេង សំឡេងចាស់រូបនេះ ពន្យល់ថា លោកអត់ដូចអ្នកចម្រៀងដទៃទេ ព្រោះបើរវល់តែដេកភ័យ គឺប្រាកដជាទន់ជើង ហើយបណ្ដាលឲ្យអ្នកថ្មីជាន់ពន្លិចជាក់ជាមិនខាន។ លោកនិយាយថា ធម្មតាអ្នកមកថ្មី គឺតែងទទួលបានការចាប់អារម្មណ៍ជាងអ្នកចាស់ ហើយបើគេមានបទល្អចេញលក់ទៀត គឺប្រាកដជាងាយល្បីឈ្មោះដោយមិនពិបាក។ ប៉ុន្តែលោកមិនគិតថា វត្តមានរបស់តារាថ្មី និងការហែកបទល្អៗចែកគ្នា នឹងធ្វើឲ្យកេរ្តិ៍ឈ្មោះរបស់លោកធ្លាក់កូដឡើយ។ តារារូបនេះនិយាយថា «នៅក្នុងសង្គមនេះ ខ្ញុំតែងឮថាអ្នកចាស់មិនសប្បាយចិត្តនឹងភាពរីកចម្រើនរបស់អ្នកថ្មី ប៉ុន្តែសម្រាប់ខ្ញុំគឺអត់គិតអញ្ចឹងទេ ព្រោះបើគាត់កាន់តែខ្លាំង គឺខ្ញុំកាន់តែរកគន្លឹះអភិវឌ្ឍន៍ខ្លួន ហើយបើយើងប្រឹងកែលម្អចំណុចខ្វះខាត នោះជោគជ័យនឹងនៅតែមាន!»។ លោកបន្តថា បើរវល់តែភ័យ ហើយច្រណែន គឺមិនខុសពីបណ្ដោយខ្លួនឲ្យបរាជ័យនោះទេ អញ្ចឹងហើយទើបលោកគិតថា បើគូប្រជែងកាន់តែល្អ គឺលោកកាន់តែពង្រឹងជំហរ និងបង្កើនសមត្ថភាពឲ្យមានលក្ខណៈល្អប្រសើរ។ លោកមិនជឿថា ក្រុមហ៊ុនមួយ មើលមិនឃើញពីសមត្ថភាព និងការប្រឹងប្រែងរបស់បុគ្គលិកនោះទេ បើសិនជាបុគ្គលនោះ ចេះជួយខ្លួនឯងជាមុន។ ជាមួយគ្នានោះ លោកណុប បាយ៉ារិទ្ធិ ក៏បញ្ជាក់ពីជំហរថា នឹងបង្កើនសមត្ថភាពតាមរយៈការតុបតែងខ្លួន ការលេងស្ទីល និងការហ្វឹកហាត់ក្បាច់រាំ កុំឲ្យទៅឃើញតែដដែលនៅក្នុងពិភពចម្រៀងផងដែរ។ លោកនិយាយថា «សម្រាប់ខ្ញុំ គឺប្រយ័ត្នខ្លួនឯងជានិច្ច តាមរយៈ ការលួចចម្លងស្ទីលតុបតែងខ្លួន និងការបំបែកក្បាច់រាំពីតារាបរទេស ប៉ុន្តែខ្ញុំអត់យកពីគេទាំងស្រុងទេ ព្រោះយើងជាតារាខ្មែរ ហើយខ្ញុំជឿថា បើមនុស្សម្នាក់ចេះអភិវឌ្ឍន៍ខ្លួនឯង ហើយចេះជួយខ្លួនឯង គឺក្រុមហ៊ុនណាក៏សប្បាយចិត្តនឹងជួយលើកស្ទួយដែរ»។

តាមការអះអាងនេះ មានន័យថា លោកអត់ខ្វល់រឿងហង្សមាសផ្ដល់ជំហរលើកស្ទួយអ្នកណានោះទេ សំខាន់ឲ្យតែលោកមានការអភិវឌ្ឍន៍ខ្លួនដើម្បីពង្រីកការគាំទ្រ ហើយធ្វើឲ្យហង្សមាសទទួលស្គាល់ពីការប្រឹងប្រឹងរបស់លោក ដូចជាពង្រឹងក្បាច់រាំ និងស្ទីលតុបតែងខ្លួន នោះលោកនៅតែជឿថា ហង្សមាស ពិតជាបន្តការលើកស្ទួយចំពោះលោកដូចដើម។ លោកនិយាយយ៉ាងខ្លីថា មិនថាតារាចាស់ថ្មីនោះទេ ឲ្យតែគេចេញបទទៅគ្មានការគាំទ្រ គឺមិនមែនគេសុខចិត្តឡង់សេម្នាក់ហ្នឹងតែដដែលនោះទេ ដូច្នេះអ្វីដែលសំខាន់គឺសមត្ថភាព និងការប្រឹងប្រែងប៉ុណ្ណោះ៕

ដោយ៖ តារារដ្ឋ(Khmerzoom)

កុំព្យូទ័រតូចស្មើនឹង Flash USB

Thursday, May 24, 2012 Unknown

FXI Cotton Candy កុំព្យុទ័រប្រើប្រព័ន្ធដំណើការ Android តំលៃ 200$ ដែលមានទំហំស្មើនឹង Flash
USB បានធ្វើឲ្យគេចាប់អារម្មណ៍យ៉ាងខ្លាំង ក្នុងរយៈពេលកន្លងទៅ។ ក៏ប៉ុន្តែ ហាក់ដូចជាបានជួប
នឹងគូប្រកួតពិតប្រាកដរបស់ខ្លួន ដោយកុំព្យុទ័រមួយប្រភេទ ដែលមានទំហំដូចគ្នានោះ ផលិតឡើង
ដោយក្រុមហ៊ុនរបស់ចិន ហើយត្រូវបានដាក់លក់នៅលើបណ្តាញអ៊ីនធឹណែត ក្នុងតំលៃត្រឹមតែ
៧៤ដុល្លាតែប៉ុណ្ណោះ ហើយវាអាចនឹងត្រូវបានគេលក់ក្នុងតម្លៃថោកជាងនេះ ប្រសិនបើអ្នកទិញ
ចំនួនច្រើនគ្រឿង។

រូបរាងរបស់វា កុំព្យូទ័រនេះ ស្រដៀងទៅនឹង Flash USB រក្សាទិន្នន័យ។ កុំព្យុទ័រដែលមានឈ្មោះ
Rikomagic MK802 នេះ ត្រូវបានបំពាក់ CPU AllWinner A10 1.5GHz ARM Cortex-A8, GPU Mali
400 និង 512MB RAM។ អង្គចងចាំខាងក្នុងរបស់ឧបករណ៍នេះ គឺ 4GB Flash អាចបន្ថែម Card
microSD ខាងក្រៅ។

ចំណុចគូរឲ្យចាប់អារម្មណ៍១ គឺ MK802 ត្រូវបានដាក់ប្រព័ន្ធដំណើការ Google Android 4.0 Ice
Cream Sandwich។ បច្ចុប្បន្ននេះ អ្នកអាចបញ្ជាទិញបានតាមរយៈគេហទំព័រ Aliexpress ក្នុងតំលៃ
74 USD៕

ប្រភព៖ ArsTechnica
ដោយ៖ មិនា(Camnews)

អ្នកបង្កើតកម្មវិធីកុំព្យូទ័រក្មេងបំផុតលើពិភពលោក

Wednesday, May 23, 2012 Unknown

ក្មេងប្រុសដែលមានទេពកោសល្បខាងកុំព្យួរទ័រឈ្មោះ Wasik Farhan Roopkotha
បានចុះកិច្ចសន្យាធ្វើការជាមួយនឹងក្រុមហ៊ុន Bangladesh Association of Software
និង Information Service (BASIS) នៅពេលថ្មីៗនេះ។ លេខាធិកាក្រុមហ៊ុន BASIS
ឈ្មោះTansif Danesh នាយកអ្គ្រប់គ្រងកម្មវិធីលោក   Hashim Ahmed និង បុគ្គលិក
ជាច្រើនទៀត បានចូលរួមអបអរសាទរទទួលក្មេងប្រុសRoopkothaនៅការិយាល័យ
BASIS នៅក្នុងទីក្រុងKarwan Bazaar។ ក្មេងប្រុសRoopkotha ត្រូវបណ្តាញសារពត៌
មាន អន្តរជាតិប្រាំមួយចេញផ្សាយថា    គឺជាអ្នកគ្រប់គ្រងកម្មវិធីកុំព្យួទ័រដ៏ក្មេងបំផុត
នៅលើពិភពលោក។ យើងបានបញ្ជាក់ឪពុកម្តាយរបស់ក្មេងប្រុសនោះថា    គេគឺជា
ប្រុសដំបូងគេដែលបានបង្កើតវាឡើង    ហើយសៀវភៅថ្មីមួយរបស់គេនឹងត្រូវបាន
លក់នៅក្នុងខែកញ្ញា ឆ្នាំ២០១២   ខាងមុខនេះ។ ក្មេងប្រុសRoopkotha   អាយុប្រាំឆ្នាំ
រស់នៅតំបន់Gulshan ក្នុងទីក្រុងDhaka បានចាប់ផ្តើមប្រើកុំព្យួទ័រតាំងពីអាយុប្រាំពីរ
ខែមកម្ល៉េះ។ ក្មេងប្រុសRoopkotha អាចបង្កើតប្រព័ន្ធកុំព្យួទ័រ និង អាចបង្កើតកម្មវីធី
ដ៏ស្មុស្មាញជាច្រើនដោយជំនាញរបស់គេ។ គេដឹងពីវិធីផ្លាស់ប្តូរប្រភេទហ្គេម ពីហ្គេម
មួយ ទៅហ្គេមមួយទៀត ដោយប្រើកុំព្យួទ័រ។ ក្មេងប្រុសRoopkotha មានចំណេះដឹង
ជ្រៅជ្រះលើផ្នែកភាសាកម្មវិធីកុំព្យួរទ័រ។ ជារៀងរាល់ថ្ងៃក្មេងប្រុសនេះ ចំណាយពេល
ជាងដប់ពីរម៉ោង ជាមួយកុំព្យួទ័រ។ ជាពិសេស គេក៏អាចបង្កើតSoftwareជាច្រើនបាន
ដែរ។ ម្តាយក្មេងប្រុសនេះឈ្មោះ លោកស្រីCynthia Farheen Risha បានបញ្ជាក់ថា
កូនប្រុសរបស់គាត់ បានរៀនIT ដោយខ្លួនឯង និងមិនមានគ្រូបង្រៀនពីមុនមកទេ។