Powerful of Khmer

Thursday, May 17, 2012

ប៉េងប៉ោះជួយកាត់បន្ថយស្នាមអុចខ្មៅ

Thursday, May 17, 2012 Unknown

តើប្រិយមិត្តធ្លាប់ដឹងពីវិធីសាស្ត្របែប ធម្មជាតិនៅក្នុងការកាត់បន្ថយស្នាមអុចខ្មៅដែរ ឬទេ? ហើយវិធីសាស្ត្រនោះ ទទួលបានលទ្ធផលល្អឬទេ? យើងសូមបង្ហាញជូនដល់ប្រិយមិត្តទាំងអស់គ្នា នៅវិធីសាស្ត្រងាយៗដែលអាចជួយកាត់បន្ថយស្នាមអុចខ្មៅបាន។ វិធីសាស្ត្រងាយៗនោះគឺ ប្រិយមិត្តទាំងអស់គ្នាគ្រាន់តែយកផ្លែប៉េងប៉ោះទុំមួយផ្លែ រួចហើយពុះវាជាពីរ បន្ទាប់មកទៀតយកវាទៅលាបលើផ្ទៃមុខរបស់អ្នកដោយទុករយៈពេល ១០ នាទី។
មួយវិញទៀត ប្រិយមិត្តទាំងអស់គ្នាអាចយកផ្លែប៉េងប៉ោះទៅកិន រួចយកល្បាយវាទៅលាបមុខ ក៏ទទួលបានលទ្ធផលល្អដូចវិធីសាស្ត្រខាងលើនេះដែរ។
ប្រិយមិត្តទាំង អស់គ្នាអាចធ្វើវាជារៀងរាល់ថ្ងៃ នោះប្រិយមិត្តទាំងអស់គ្នានិងឃើញលទ្ធផលល្អជាក់ជាមិនខាន។ គួរបញ្ជាក់ផងដែរថា វិធីសាស្រ្តបែបធម្មជាតិនេះ ប្រិយមិត្តទាំងអស់គ្នាត្រូវតែព្យាយាមអនុវត្តទើបទទួលបានលទ្ធផលល្អ ប៉ុន្តែប្រសិនបើលោកអ្នកមិនព្យាយាមនោះ លទ្ធផលក៏ទទួលបានទៅតាមនោះដែរ។

អត្ថបទ៖សុដារីតា(khmerzoom)

តើលើលោកនេះមានអ្វីអាចបញ្ចប់ Facebookបាន?

Thursday, May 17, 2012 Unknown

ប្រិយមិត្តប្រហែលជាដឹងច្បាស់ហើយថា Facebook ល្បីប៉ុណ្ណា ហើយក្នុងពេលដ៏ខ្លីខាងមុខនេះចំនួនអ្នកប្រើប្រាស់ Facebook ប្រាកដជាកើនដល់ ១ ពាន់លាននាក់មិនខាន។ ចុះប្រិយមិត្តមានដែលសាកគិតមើលទេថា បើ Facebook ល្បី និងពេញនិយមដល់ថ្នាក់នេះ តើនឹងមានអ្វីអាចមកយកជ័យជម្នះលើបណ្ដាញទំនាក់ទំនងសង្គមមួយនេះ បាន?
មិនបាច់និយាយពី Twitter ឬ Google+ នោះទេ បណ្ដាញទំនាក់ទំនងសង្គមទាំងពីរនេះមិនអាចទៅរួចជាមួយ Facebook បានឡើយ។ ខាងក្រោមនេះគឺជា កត្តាគំរាមកំហែងចំនួន ៤ ធំៗដែលអាចធ្វើឲ្យ Facebook ចូលនិវត្តន៍បាន៖
១ ការហាមប្រាមពីប្រទេសផ្សេងៗ
ជាក់ស្តែងបច្ចុប្បន្ននេះ Facebook ត្រូវបានហាមឃាត់មិនឲ្យប្រើនៅក្នុងប្រទេសចិន ហើយការបើក Facebook ក៏ត្រូវបានរឹតត្បិតពីសំណាក់ប្រទេសមួយចំនួនទៀតដែរដូចជា អ៊ីរ៉ង់ កូរ៉េខាងជើង និងស៊ីរីជាដើម។ ការធ្វើបែបនេះអាចធ្វើឲ្យការលូតលាស់របស់ Facebook មានល្បឿនយឺត ហើយក៏អាចធ្វើឲ្យអ្នកប្រើប្រាស់ងាកមករកការប្រើបណ្ដាញទំនាក់ទំនង សង្គមក្នុងស្រុកវិញ។ គោលនយោបាយផ្សេងៗ ពីសំណាក់ គណៈកម្មការពាណិជ្ជកម្មសហព័ន្ធអាមេរិក និងសហភាពអឺរ៉ុបក៏អាចពន្យឺតល្បឿនលូតលាស់របស់ Facebook ផងដែរ។ ជាពិសេសរយៈពេលកន្លងមកនេះ Facebook បានព្យាយាមគេចខ្លួនពីការពិនិត្យលើភាពជាឯកជនដែលធ្វើឡើងដោយ អង្គភាពទាំងពីរខាងលើ។ ដូច្នេះបើរដ្ឋាភិបាលដាក់កម្រិតនោះ Facebook ប្រាកដជាជួបរឿងធំមិនខាន។

២ វត្តមានរបស់ Zuckerberg ទីពីរ
Facebook ប្រហែលជាមិនខ្វល់ពី Twitter និង Google+ នោះទេ ប៉ុន្តែអ្វីដែលអាចជាការគំរាមកំហែងនោះគឺ Zuckerberg ទីពីរដែលអាចធ្វើឲ្យ Facebook ក្លាយជា Myspace។ ដូច្នេះហើយបើមាន Zuckerberg ទីពីរដែលនាំយកបច្ចេកវិទ្យាកុំព្យូទ័របំពាក់លើភ្នែក, Hologram ឬកម្មវិធីអស្ចារ្យផ្សេងៗទៀត នឹងធ្វើឲ្យ Facebook ហួសសម័យមិនខាន។

៣ ទូរស័ព្ទ
កាលណាទូរស័ព្ទមានអេក្រង់កាន់តែតូច ក៏ធ្វើឲ្យ Facebook ទទួលបានប្រាក់ចំណូលពីការផ្សាយពាណិជ្ជកម្មបានតិចដែរ។ អាស្រ័យហេតុនេះហើយ ទើប Facebook ទិញយក Istagram ដើម្បីធ្វើឲ្យបណ្ដាញទំនាក់ទំនងរបស់ខ្លួនអាចរកប្រាក់ចំណូលបាន កាន់តែច្រើនពីទូរស័ព្ទ។ ប៉ុន្តែការដាក់ការផ្សាយពាណិជ្ជកម្មកាន់តែច្រើន ធ្វើឲ្យអ្នកប្រើប្រាស់មានអារម្មណ៍រញ៉េរញ៉ៃ ហើយចុងក្រោយប្រាកដជាលេងចង់បើក Facebook ទៀតមិនខាន។

៤ ការបាត់បង់ភាពអស្ចារ្យរបស់ខ្លួន
បច្ចុប្បន្ននេះ អ្នកណាៗក៏ថា Facebook អស្ចារ្យដែរ តែពេលនេះ Facebook អស្ចារ្យក៏ដោយសារតែ Zuckerberg មានគំនិតច្នៃប្រឌិតច្រើនដើម្បីធ្វើឲ្យរំជើបរំជួលនៅក្នុងពិភព យុវវ័យ។ ចុះពេល Zuckerberg មានវ័យចំណាស់ ដល់អាយុ ៣០ ឆ្នាំ តើនឹងមានអ្វីកើតឡើងទៅលើភាពឆើតឆាយរបស់ Facebook ទៅ?

ចុះប្រិយមិត្តវិញ គិតថាមានអ្វីក្រៅពីចំណុចខាងលើទាំងបួនដែលអាចធ្វើឲ្យ Facebook ដួលបាន?
ប្រែសម្រួល៖ បូរិន(sabay)
ប្រភព និងរូបភាព៖ Techcrunch

Facebookផ្តល់សេវាកម្មចែករំលែក File

Thursday, May 17, 2012 Unknown

ក្រោយការបង្ហាញពីការបង្កើតកម្មវិធីថ្មីៗដូច Apple, Facebook បានបញ្ជាក់ប្រាប់ដល់អ្នក
ប្រើប្រាស់ថា ឥឡូវពួកគេអាចចែករំលែកfile ដែលមានទំហំដល់ 25MB ទៅសមាជិកក្នុង
ក្រុមរបស់ខ្លួនបាន។
Giao diện chia sẻ file của Facebook.

Facebook កំពុងពង្រីកខ្លួនពីក្រុមហ៊ុនបណ្តាញសង្គមមួយទៅជាទំរង់web។ តាមwebsite
Mashableសមាជិកក្នុងមួយក្រុម អាចUpload បានគ្រប់file ទាំងអស់ (ជំនួសឲរូបភាពនិងវីដេអូ)
ឡើងលើអ៊ីនធើណេតបាន។ ជាក់ស្តែង Facebook បដិសេធទំរង់Music និង File មួយចំនួនដែល
មានគោលបំណងមិនល្អ ដើម្បីទប់ស្កាត់គ្រោះថ្នាក់ពីការចែករំលែកនូវខ្លឹមសារបន្លំសិទ្ធិផ្តាច់មុខ
រឺភាពរាលដាលវីរុស៕

ដោយ៖ nano(Camnews)
ប្រភព៖ VE

អ្នកចម្រៀងក្រុមតន្រ្ដីThe Like Me's កញ្ញា ឡូរ៉ាម៉ម មកដល់ប្រទេសកម្ពុជា

Wednesday, May 16, 2012 Unknown

ភ្នំពេញ: អ្នកចម្រៀងនៃក្រុមតន្ត្រី The Like Me’s ដែលស្ថិតនៅក្នុងសហរដ្ឋអាមេរិក កញ្ញា ឡូរ៉ា ម៉ម បានធ្វើដំណើរមកដល់ប្រទេសកម្ពុជាហើយ។
កញ្ញា ឡូរ៉ា ដែលអមដំណើរដោយអ្នកលេងហ្គីតាបាសរបស់ក្រុមតន្ត្រី The Like Me’s គឺកញ្ញា Helena Hong បានធ្វើដំណើរពីសហរដ្ឋអាមេរិកមកដល់ព្រលានយន្តហោះ អន្តរជាតិភ្នំពេញ កាលពីព្រឹកថ្ងៃចន្ទ ហើយកញ្ញាគ្រោងនឹងស្នាក់នៅក្នុងរាជធានីភ្នំពេញរយៈពេលជាង ១ខែ។
កញ្ញា ឡូរ៉ា បានប្រាប់ពិធីករប៉ុស្តិ៍ MyTV យ៉ាងដូច្នេះថា “ខ្ញុំមានអារម្មណ៍ហាក់ដូចជាស្ថិតនៅស្រុកកំណើត។ ខ្ញុំមានអារម្មណ៍រំភើប រីករាយ ដែលបានមកលេងស្រុកខ្មែរ និងជួបជុំបងប្អូន មិត្តភក្ដិ និងអ្នកគាំទ្ររបស់ខ្ញុំ”។
កញ្ញា ឡូរ៉ា ពុំមានគម្រោងរៀបចំការប្រគំតន្ត្រីជាផ្លូវការនៅទីនេះទេ ប៉ុន្តែ កញ្ញាគ្រោងនឹងបង្ហាញខ្លួននៅក្នុងកម្មវិធីរបស់ទូរទស្សន៍ CTN និង MyTV។ កញ្ញាក៏នឹងថតវីដេអូចម្រៀងមួយចំនួនផងដែរ ខណៈដែលស្នាក់នៅក្នុងប្រទេសកម្ពុជា។ កញ្ញា ឡូរ៉ា ថ្លែងបន្ថែមយ៉ាងដូច្នេះ “នេះជាការធ្វើដំណើរជាលក្ខណៈការងារ។ យើងមានកាលវិភាគដ៏មមាញឹក ប៉ុន្តែយើងពិតជាចង់ជួបជាមួយអ្នកគាំទ្ររបស់យើងខ្លាំងណាស់”។
សមាជិកក្រុមតន្ត្រី The Like Me’s កញ្ញា Monique Coquilla និង Loren Alonzo ត្រូវគេរំពឹងថានឹងមកដល់ប្រទេសកម្ពុជានៅចុងសបា្ដហ៍នេះ។
ថ្មីៗនេះ ក្រុមតន្ត្រី The Like Me’s បានចេញផ្សាយវីដេអូចម្រៀងបទ “ផ្កាព្រហាមរីកពព្រាយ” និង

បទ “ស្វារាំមុនឃីស” ជាផ្លូវការ នៅក្នុងប្រទេសកម្ពុជា។ បទ“ផ្កាព្រហាមរីកពព្រាយ” ដែលមានអ្នកទស្សនានៅលើអ៊ិនធើណិតជាង ៥០០.០០០នាក់ គឺជាបទចម្រៀងដំបូងបង្អស់របស់ក្រុមតន្ត្រី The Like Me’s ដែលបានចេញផ្សាយនៅកម្ពុជា។ បទបន្ទាប់ គឺបទ“ស្វារាំមុនឃីស” ដែលកំពុងចាក់ផ្សាយនៅលើកញ្ចក់ទូរទស្សន៍ MyTV និង CTN។
The Like Me’s គឺជាក្រុមតន្ត្រីដែលមានសមាជិកសុទ្ធតែស្រី និងមានមូលដ្ឋាននៅរដ្ឋកាលីហ្វ័រញ៉ាភាគខាងជើង។ សមាជិកក្រុមតន្ត្រី រួមមាន ឡូរ៉ា ម៉ម, ហេឡិណា ហុង, Monique Coquilla និង Loren Alonzo។ ឡូរ៉ា និង ហេឡិណា ទាំងពីរនាក់ គឺជាអាមេរិកាំងដើមកំណើតខ្មែរ។ ចំណែកឯ Monique Coquilla និង Loren Alonzo គឺជាជនជាតិអាមេរិកាំង ដើមកំណើតហ្វីលីពីន។
ក្រុមតន្ត្រី The Like Me’s បានទទួលប្រជាប្រិយភាពទាំងនៅក្នុងស្រុក និងក្រៅស្រុក នៅលើអ៊ិនធើណិត ជាមួយនឹងការយកបទចម្រៀងខ្មែរបុរាណទៅច្រៀងតាមបែបទំនើប។ បេសកកម្មរបស់ក្រុមតន្ត្រីនេះ គឺដើម្បីធ្វើឲ្យឆាកតន្ត្រីរបស់ប្រទេសកម្ពុជារស់ឡើងវិញ តាមរយៈការផលិតបទចម្រៀងដើមដោយខ្លួនឯង។
អ្នកចូលចិត្តបទចម្រៀង ដែលមានបំណងចង់ទាញយកបទចម្រៀង “ស្វារាំមុនឃីស” របស់ក្រុម The Like Me’s សម្រាប់ទូរស័ព្ទដៃ អាចផ្ញើ SMS លេខកូដនេះ 703408 ទៅកាន់លេខ 2727៕ S

បើចង់ជ្រាបច្បាស់សូមទស្សនាវីដេអូខាងក្រោម៖

ប្រភពពី៖CEN

វិធីសាស្រ្តមួយចំនួនក្នុងការថែរក្សាភ្នែក

Wednesday, May 16, 2012 Unknown

យើងសូមបង្ហាញជូនចំពោះប្រិយមិត្ត ទាំងអស់គ្នានៅវិធីសាស្ត្រថែទាំភ្នែកដើម្បីឱ្យជៀសផុតពីការរងរបួសផ្សេងៗ។ វិធីសាស្រ្តងាយៗនៅក្នុងការថែរក្សាភ្នែកមានដូចខាងក្រោម៖
១. លាងសម្អាតដៃឱ្យបានស្អាតមុនជានិច្ច : ដើម្បីកុំឱ្យមានមេរោគ មុននិងអ្នកយកដៃរបស់អ្នកទៅប៉ះភ្នែករបស់អ្នក អ្នកត្រូវតែលាងសម្អាតដៃឱ្យបានស្អាតជាមុនសិន។
២. គួរឧស្សាហ៍លាងសម្អាតភ្នែក : ជួនកាលនៅក្នុងភ្នែករបស់អ្នកអាចមានកំទេចកំទីធូលីតូចៗដែលចូលនៅក្នុងភ្នែក ដូច្នេះអ្នកគួរតែឧស្សាហ៍លាងសម្អាតភ្នែកដើម្បីឱ្យភ្នែកស្រឡះល្អ។ អ្នកអាចប្រើប្រាស់តាមវិធីសាស្ត្រណាមួយក៏បាន ដែលអ្នកគិតថាវាអាចជួយឱ្យភ្នែករបស់អ្នក អស់នៅធូលីដីដែលមាននៅក្នុងភ្នែក។
៣. គួរឱ្យភ្នែកសម្រាកខ្លះ : នេះមានន័យថា អ្នកមិនគួរប្រើប្រាស់ភ្នែកបើករហូតនោះពេកទេ អ្នកគួរតែឱ្យភ្នែករបស់អ្នកសម្រាកខ្លះទើបល្អចំពោះភ្នែក។
៤. ប្រសិនបើអ្នកមានបញ្ហាណាមួយនោះ អ្នកត្រូវតែពិគ្រោះជាមួយនិងគ្រូពេទ្យឱ្យបានឆាប់រហ័ស ជាប្រយោជន៍ដើម្បីកុំឱ្យវាបង្កទៅជាបញ្ហាធ្ងន់ធ្ងរជាងមុន។
វិធីសាស្រ្តដូចដែលបានបង្ហាញនៅខាងលើនេះ ថ្វីត្បិតតែវាមិនគ្រប់គ្រាន់តាមតម្រូវការក៏ពិតមែន ក៏ប៉ុន្តែវាក៏អាចជាចំណែកមួយដើម្បីឱ្យភ្នែករបស់អ្នកមានសុខភាពល្អផងដែរ ប្រសិនបើអ្នកអនុវត្តបានត្រឹមត្រូវដូចវិធីសាស្ត្រដែលបានបង្ហាញនេះ។